Please Enter Bible Reference like John 3:16, Gen 1:1-5, etc
1 john - 1 2 3 4 5
Bible Versions
Bible Books
బేనో అతుకు యేసే కిరిస్తు ఇంజోరె నమ్మకమ్ తాసి మినోండో, ఓండు థేమటె పిల్లా ఆసి మినో, బేనో అతుకు తప్పె అత్త థేమటిని పేమిసనోండో ఓండు థేమటె పిల్లాని గూడ పేమిసనో.
మనాడు థేమటిని పేమిసి ఓని మాటకిని పెయుసి నడుతుకు థేమటె పిల్లాకిని గూడ పేమిసనాడ్ ఇంజి పున్ని మినాడ్.
మనాడు థేమటె మాటకిని పెయుసి నడదటమె ఓనిని పేమిసటమ్ ఇందని అర్దమ్; పాటిసనాంకి ఓని మాటకు బరుమగా మందనవయ్యో.
బేనోరు అతుకు థేమటె థోరింపినె పుట్త పిల్లాకాసి మంత్తోరో, ఓరు ఈ లోకాతె పొం్రొ గెలుపు ఏంతచతోరు. మన నమ్మకమే ఈ లోకాతిని ఓడిసి గెలసనద్దు.
ఈ లోకతిని గెలసనోండు బేనో? బేనో అతుకు యేసు థేమటె మర్రి ఇంజి నమ్మకమ్ తాసనోండో ఓండే ఈ లోకతిని గెలిసితో.
ఈ యేసు ఇంథాని కిరిస్తు ఏత్తెతోటె బావ్తీసమ్ తీసి, నెత్తురు కార్సి డొల్లి థాయనాంకి వత్తొ. ఓండు ఏత్తెతోటె బావ్తీసమ్ తీసనాంకి మతరమే అయ్యో గోని, ఏత్తెతోటె బాప్తిసమ్ తీసి, నెత్తురు కార్సి డొల్లి థాయనాంకే వత్తో. ఆత్మా నిజమ్ మందనోండు గాబట్టి ఆ ఆత్మా థీని గురించి సాచ్చమ్ ఈసనో.
పరలోకాతె సాచ్చమ్ కెత్తనోరు మూమరు; ఓరు తప్పె, మాటా, సుబ్బరమ్ మంథాని ఆత్మా. ఈ మూమరు ఒరోటాసి కలియు మినోరు.
లోకాతె సాచ్చమ్ కెత్తనమ్వ మూడు మినా; అమ్వ, ఆత్మా, ఏరు, నెత్తురు. ఈ మూడు ఒరోటాసి కలియు మినా.
మనాడు మనుసుర్కిని సాచ్చతిని ఒప్పుకునుంజనాడు గోని మనుసుర్కిని సాచ్చంకన్న థేమటె సాచ్చమ్ ఎక్కువా బలమ్ మందనద్దు; బారితుకు థేమండే ఓని మర్రిని గురించి సాచ్చమ్ ఈసనో.
బేనో అతుకు థేమటె మర్రిని పొం్రొ నమ్మకమ్ తాసనోండో ఓండు ఆ సాచ్చతిని ఓనమటె తాసి మినో. థేమటిని నమ్మోవాండు, థేమండు ఓని మర్రిని గురించి కెత్తాని సాచ్చతిని నమ్మిల్లో గాబట్టి ఓండు థేమటిని అబద్దకుండింజి కెత్తనోండుగా మినో.
థేమండు మనాంకి బెస్కెటికి మంథాని బతుకిని ఈసి మినో; ఆ బతుకు ఓని మర్రినగ్గే మింథె ఇందనథ్దె ఆ సాచ్చమ్.
థేమటె మర్రిని ఒప్పుకుండనోనికి బతుకు మింథె; థేమటె మర్రిని ఒప్పుకున్నోవానికి బతుకు ఇల్లె.
మీకు బెస్కెటికి మంథాని బతుకు మింథె ఇంజి మీరు తెలుసుకుండవాలె. థేమటె మర్రిని పెథెటె పొం్రొ మీరు నమ్మకమ్ తాసవాలె ఇంజి, థేమటె మర్రిని పెథెటె పొం్రొ నమ్మకమ్ మంథాని మీకు ఈటిని రాసి మినాన్.
మనాడు ఓని ఇస్టతిని పెయుసి బాత తలప్తుకన్న ఓండు మన మొర కేంజితో ఇంథాని దయుర్నమ్ మనాంకి ఓనగ్గ మింథె.
మనాడు బాత తలప్తుకన్న ఓండు మన మొర కేంజనో ఇంజి మనాడు పున్ని మతుకు మనాడు ఓనగ్గ తలప్తవంతా ఏంథి మినాడు ఇంజి తెలుసుకుంటాడ్.
సావింకి తీసి అన్నొ పాపతిని జతగాండు ఒరో తుంగనస్కె, బేనోండన్న థానిని ఊడుతుకు ఓండు థేమటింకి మొర వాటవాలె; అస్కె థేమండు ఓనికి బతుకిని ఈతో. సావింకి తీసి అన్నో పాపమ్ తుంగనోరికె బతుకిని ఈతో, గోని సావింకి తీసోథాని పాపమ్ గూడ మింథె. గోని థాని గురించి మోర వాటవాలె ఇంజి నన్న కెత్తటమిల్లె.
సెడ్డ పనుంగు అంతా పాపమె; అత్కన్న సావింకి తీసి అన్నో పాపమ్ గూడ మింథె.
థేమటె థోరింపినె పుట్త బేనో గూడ పాపమ్ తుంగోరె మన్నో ఇంజి మనాడు పున్ని మినాడ్. థేమటె థోరింపినె పుట్తోండు ఓనిని జాగరదగా తాసుకుంటో. దుస్టుండు ఓనిని కేటో.
ఈ లోకమంతా దుస్టడిన్ ఇడుపొ మత్కన్న, మనాడుబోనో థేమటింకి చెంతోరాసి మినాడ్ ఇంజి పున్ని మినాడ్.
మల్ల మనాడు నిజమ్ మంథాని థేమటిని తెలుసుకుండనాంకి థేమటె మర్రి వాసి మనాంకి బుథ్ది ఇత్తో ఇంజి పున్ని మినాడ్. ఓని మర్రి అత్త యేసు కిరిస్తుని ఇంథాని నిజాతె గూడ కలియు మినాడ్. ఈండే నిజమత్త థేమండు; బెస్కెటికి మంథాని బతుకు ఆసి మినో.
పిల్లాక్కినీరె మీరు పొతిమెకిని విడిసి వాటి మీమిని జాగరదగా ఊడుకునుటు. ఆమెన్.